ROBERTO ARANA OLORON, LEHENENGOAN BALEKOA, ARRANOKO XIX. XAKE TXAPELKETAN
2016ko
irailaren 5etik 9ra jokatu da Arrano Elkarteko XIX. Xake Txapelketa, xakelari
euskaldunontzat antolatutako txapelketa.
30 jokalari aritu dira, inoiz baino
gehiago: Mikel Gurea, Amaiur, Gazte Berriak, ANASAPS, Orvina eta Arrano
Elkarteko jokalariak.
Roberto Arana Oloron Arrano
Elkarteko xakelaria izan da garailea. 10 urte igaro behar izan dira Arranoko
jokalari bat berriz txapeldun ikusteko. Bere lehenengo parte hartzea zuen.
Josetxo Labairu zen faborito
nagusia, baina Oier Lacruzen aurka galdu ondoren, aukerarik gabe geratu zen.
Mikel Razkin aurreko txapeldunak,
atseden bat hartuta, ez du benetan txapelaren bila lehiatu. Berdin erran daiteke
Oier Lacruz jokalariaz, 2 partida soilik jokatu baititu.
Beste faborito bat Mikel Ochoa zen,
baina lehenengo partidan Josetxo Labairuren aurka galdu ondoren, aukera guztiak
galdu zituen. Hala ere, atzetik aurrera joanda, bigarren bukatu du txapelketa.
Adolfo Anton eta Iñaki Arrizibita torneoa
irabazteko borrokatu ziren azkeneko txandara arte, baina Roberto Aranak eta
Mikel Ochoak irabazi zieten azkeneko partidan, hurrenez hurren.
Joseba Otanori titulurako bidea
Adolfo Antonek moztu zion azken aurreko txandan. Adolfo Anton hirugarren geratu
zen azkenean.
Carlota Aramendia eta Leire Dorregarai
lehiatu ziren 14 urtez azpiko lehenengoarentzako trofeoa eskuratzeko. Diego
Lopez Moratarekin berdindu ondoren, Carlota Aramendiak eraman zuen.
Datorren urtean, XX. edizioan,
euskal giroan saiatuko dira berriz jokalariak txapela eskuratzen.
Iruñean, 2016ko irailaren 9an.